આજ થી પંદરેક વરસ પહેલા ‘ગુજરાત સમાચાર’ માં પ્રસિધ્ધ થયેલી આ કવિતા અહિં વતનથી દૂર બેસીને વાંચતી વખતે એટલી જ તાજી લાગે છે. જેટલી એ લખાઇ ત્યારે લાગતી હતી. આપ સૌના માટે અહિં મૂકુ છુ.
દોસ્તીને કોઇ સુંવાળી ન બનાવશો.
લાગણીને કોઇ હુંફાળી ન બનાવશો.
હંમેશા નજદિકી શક્ય નથી ક્યારેય,
દૂરીને કોઈ બેબાકળી ન બનાવશો.
કિસ્મત કેવા ખેલ કરાવશે કોને ખબર,
ધડકન કોઇ ઉતાવળી ન બનાવશો.
અંતર તો છે આપ્યુ તે ધબવાનુ જ,
અંતરને વરસતી વાદળી ન બનાવશો.
‘આરઝુ’ અમે તો માત્ર રાહિ અવલ્લ મંજિલના,
અમને કોઇ હૈયાની હાંસળી ન બનાવશો.
રાજેશ જોશી “આરઝુ”
Photo : Dubai Creek Park
